Red velvet smoothie
Þeir sem hafa fylgt mér í einhvern tíma eru sennilega farnir að sjá það hversu hrifin ég er að rauðrófum. Það er eins og líkaminn minn sæki rosalega í rauðrófur og ég elska það. Hér er rauðrófusmoothie sem kemur svo sannarlega á óvart með smá súkkulaðikeim. Engiferið kveður burt allt sem sumir vilja kalla moldarbragð rauðrófusafans og upphefur kakóbragðið. Mæli með að þið prófið …. og hér hefur smoothie-inn verið samþykktur af æðstu gæðaeftirlitsaðilum heimilisins sem eru 7 ára og 3 ára.
Færslan er unnin í samstarfi við Beutelsbacher á íslandi.
Þú þarft:
200ml flaska af rauðrófusafa frá Beutelsbacher
1,5 dl möndlumjólk
2 bananar
200gr frosin kirsuber
1 vænn engiferbiti
2 msk lífrænt kakóduft
Aðferð:
Öllum hráefnum komið fyrir í blender og svo bara blanda, dansa og njóta.
Verði ykkur að góðu.
