Mega boltar… Omega 3 boltar

MEGA boltar! Omega boltar…. Omega 3 boltar !! Omega 3 er ekki bara í lýsi heldur líka í þessum dásamlegu nammikúlum sem kláruðust um leið og ég var búin að taka mynd…
Að gera svona nammikúlur er líka frábær skemmtun fyrir smáfólk.

Þú þarft:

• 1 bolli valhnetur

• 1 bolli ferskar mjúkar döðlur (ca 12 stk)

• 2 msk chia fræ

• 2 msk hampfræ

• 2 msk hörfræolía

• 2 msk cacao*

• 1/4 dl kókos

• ¼ tsk vanilluduft

• Kókosmjöl og hamprfæ til að rúlla uppúr.

Aðferð:

1. Byrjið á að mixa valhneturnar í matvinnsluvél, svo bætiði rest útí og látið matvinnsluvélina vinna þar til allt blandast.

2. Rúllið í litlar kúlur og veltið uppúr kókosmjöli og hampfræum.

3. Geymist best í kæli / frysti…… þ.e.a.s ef þær klárast ekki um leið.

Ég nota ekta lífrænt *cacao. Þú getur skipt því út fyrir hefðbundið bökunarkakó. Cacao er ekki alveg jafn sætt eins og hefðbundið bökunarkakó en er töluvert næringaríkara.

Verði ykkur að góðu.