Klassískur hummus

Einn klassískur hummus eins og ég geri hann. Ég elska tahini og ég vil hafa MIKIÐ af ljósu tahini í mínum hummus.

Þú þarft:

• 2 bollar soðnar lífrænar kjúklingabaunir

• 250g ljóst tahini

• 1 geiralaus hvítlaukur (kúluhvítlaukur)*

• safi úr 1-1 1/2 sítrónu

• 1/3 bolli olía

• 1/3 bolli ískalt vatn

• ca 1/2 tsk jurtasalt

• Krydd til að toppa með, t.d. sumac & za’atar og góð ólífuolía

Aðferð:

1. Byrjið á að setja kjúklingabaunirnar í matvinnsluvél, látið vélina vinna í dágóðan tíma með nokkrum stoppum þar sem skafað er meðfram hliðunum.

2. Því næst er tahini og sítrónu safa og hvítlauk bætt útí. Loks er olíu og vatni bætt útí í mjórri bunu á meðan matvinnsluvélin vinnur.

3. Að lokum er hann smakkaður til og mögulega meiri sítrónu og salti bætt við eftir smekk.

4. *Það er líka smekksatriði hversu mikinn hvítlauk maður fílar svo það er ágætt að setja kannski minna fyrst og bæta meiru við.

Verði ykkur að góðu.