Chili sin carne

Heitur chili réttur með smá spæsí kikki og kakó. Vegan útfærsla af hefðbundum “chili con carne” nema með baunum í stað kjöts.

Færslan er unnin í samstarfi við oatly á íslandi.

Þú þarft:

• Olía til steikingar

• 1 geiralaus hvítlaukur

• 1 rauðlaukur

• 1 rauður chili

• 3 gulrætur

• 1 kúrbítur

• 1 rauð papríka

• 1,5-2 teningar jurtakraftur

• 1,5 tsk kakóduft

• 1,5 tsk papríkuduft

• 1 msk tómatpúrra

• 2 dósir maukaðir tómatar

• 1 msk eplaedik

• 1 dós lífrænar nýrnabaunir, ég nota frá Rapunzel

• 1 dós lífrænar maísbaunir, ég nota frá Rapunzel

• 1 dl vatn

• salt

Borið fram með:

• Hýðishrísgrjón eða önnur hrísgrjón

• Oatly sýrður rjómi

• Avocado

• Ferskur kóreander

• Nachos flögur

Aðferð:

1. Sjóðið hýðishrísgrjón samkvæmt leiðbeiningum á pakkningu.

2. Hitið smátt saxaðan hvítlauk, rauðlauk, og chili í smá olíu. Bætið kryddum, tómatpúrru, kakói og jurtakrafti útí ásamt smátt söxuðum gulrótum og kúrbít og blandið vel.

3. Bætið maukuðum tómötum, ediki og vatni útí og leyfið að malla í amk 15 mínútur.

4. Að lokum er baununum bætt útí og leyft að malla í 5 mínútur í viðbót.

5. Berið fram með vegan sýrðum rjóma, avocado, ferskum kóreander og nachos flögum.

Verði ykkur að góðu.