Vegan crossaint-bollur

Fyrirhafnalitlar vegan crossaint-bollur með sykurlausum glasssúr, oatly þeytirjóma og jarðaberjum.

Færslan er unnin í samstarfi við oatly á íslandi.

Þú þarft:

• 1 dós Danerolles crossaint deig (fæst í kæli í stærri krónubúðum)

• 1 ferna oatly þeytirjómi

• 1 askja fersk jarðaber

• Sykurlaus hindberjasulta - valfrjálst

Sykurlaus súkkulaði gassúr:

• 2,5 msk lífrænt kakó

• 9 ferskar döðlur (steinhreinsaðar)

• 1 tappi vanilludropar

• 1 dl oatly haframjólk

Aðferð:

1. Crossaint dósin er opnuð á hliðinni og dósinni snúið utan af deiginu. Rúllið deiginu út á bökunarpappír og losið um alla þríhyrningana. Rúllið hverjum þríhyrning uppí crossant og komið fyrir í ofni og bakið samkvæmt ráðleggingu á pakkningu, 12-15 mínútur. Fylgist með því að þau verði ekki of dökk.

2. Glassúrinn er útbúinn með því að blanda öllu saman í litlum blender/matvinnsluvél eða með töfrasprota.

3. Skerið crossöntin í efri og neðri hluta. Smyrjið súkkulaðiglassúrnum á neðri hluta crossantsins, raðið sneiddum ferskum jarðaberjum ofan á og toppið með oatly þeyttum rjóma. Setjið svo lokið á. Fyrir enn sætari bollu er hægt að blanda hindberjasultu útí rjómann sem er líka æðislega gott.

Verði ykkur að góðu.