Bananapönnsur

Þetta er ein af þessum uppskriftum sem ég geri aftur og aftur. Svo ótrúlega einfalt og ágætis tilbreyting við hafragrautinn. Deigið útbúið í blender og svo hellt beint á pönnuna í litlum skömmtum. Hægt að toppa með með allskonar, hér hef ég toppað mínar með vegan jógúrti, möndlu-kókos-döðlusmjöri og kanilsteiktum eplum.

Þú þarft:

• 1 bolli hafrar

• 1 bolli haframjólk

• 1 lítill banani

• 1/2 tsk lyftiduft

• Hnífsoddur salt

Aðferð:

1. Ég púlsa hafrana fyrst í blender svo þeir verði að “hafrahveiti”. Bæti svo rest í blandarann og mixa.

2. Helli á þurra non-stick pönnu og sný þeim við þegar búbblur hafa myndast.

Toppað með til dæmis:

• Hreinu vegan jógúrti (ég kaupi alltaf oatly)

• Möndlu-kókos-döðlu smjörinu frá Rapuzel sem er algjört nammi... eða möndlusmjöri.

• Kanileplum:
  Smáttskorin epli hituð á pönnu eða í potti með smá kanil og vegan smjöri eða kókosolíu.

• Kókosflögum

Möguleikarnir á toppings eru auðvitað endalausir en einnig er gott að steikja pönnukökurnar uppúr kókosolíu og setja kanil í deigið.

Verði ykkur að góðu.