Sænskur Lúciu Overnight oats með saffran og vanillu
Ertu saffran elskandi?
Eða kannski aldrei smakkað Lúsíubollur, Lussekatter, Lussebullar…? Ef ekki þá finnur þú uppskrift af þeim hér. Lussekatter er sætabrauð með saffran og rúsínum sem boðið er uppá við svona sirka öll tilefni í desember í Svíþjóð. Eftir að venjast þessari hefð í nokkur ár er ekki aftur snúið. Til að svala saffran þörfinni á aðeins öðruvísi og hollari máta þá býð ég hér uppá uppskrift að overnight oats eða yfirnætur hafra-og chia graut með saffran, vanillu og rúsínum sem minnir óneytanlega á Lussekatter…. nema með allt annarri áferð.
Í uppskriftinni að neðan nota ég heimagerða möndlumjólk en mér persónulega finnst engin plöntumjólk slá henni við og hún býður uppá sveigjanleika til að stýra bragðinu. Ég elska að sæta hana með döðlum sem minn uppáhalds sætugjafi.
Það er að sjálfsögðu hægt að nota keypta möndlumjólk og nota aðra sætu til að gefa sætt bragð, leiðbeiningar fylgja fyrir neðan.
Færslan er unnin í samstarfi við Rapunzel á íslandi.
Þú þarft:
Sæt möndlumjólk*, valfrjálst en ég mæli með !
1 poki möndlur (200gr), ég er að nota Rapunzel
6 litlar ferskar döðlur (steinhreinsaðar)
2 hnífsoddar himalayasalt
1,2 l vatn
Saffrangrauturinn:
3/4 dl chiafræ
1 dl lífrænt haframjöl, t.d. Rapunzel
1/2 dl rúsínur, t.d. Rapunzel
1/4 tsk lífrænt ekta vanilluduft, ég nota Rapunzel
1/8-1/4 tsk saffran, ca 0,35gr saffran (magn er smekksatriði)
hnífsoddur kardimomma (valfrjálst)
4 dl af sætu möndlumjólkinni*
*eða 4 dl af annarri möndlumjólk, þá mæli ég með að bæta við einhverri sætu, t.d. 2 tsk af hlynsírópi.
Aðferð:
Ef þú kýst að útbúa þína eigin möndlumjólk þá eru möndlurnar lagðar í bleyti yfir nótt, vökvanum síðan hellt af og þær skolaðar. Möndlunum er svo komið fyrir í blandara ásamt döðlum, vatni og salti og blandað vel og síðan helt í gegnum síjupoka. Geymist í loftþéttu íláti inní ísskáp.
Til að útbúa grautinn er hráefninu sem í hann fer komið fyrir í krukku og hrært vel í. Ágætt að hræra nokkrum sinnum fyrstu mínúturnar, jafnvel hrista, svo chia fræin klumpist ekki upp.
Komið grautnum fyrir í ísskáp í nokkra tíma eða yfir nótt og svo má bara njóta.
Gott að toppa með mandarínum eða appelsínum, kanil og skvettu af möndlumjólkinni.
Gott að toppa með mandarínum eða appelsínum, kanil og skvettu af möndlumjólkinni. … eða hverju sem þér dettur í hug.
Verði ykkur að góðu.
