Smoothie með frosnum vínberjum

Einstaklega ferskur smoothie með frosnum vínberjum og möndlusmjöri sem við fáum ekki nóg af. Mér finnst best að nota H-berg möndlusmjörið í þennan, það er smá salt í því sem er extra gott á móti sætu ávöxtunum.

Færslan er unnin í samstarfi við Krónuna.

Þú þarft:

• 1 bolli mangó

• 1 bolli bláber

• 1 bolli frosin rauð *vínber

• 4 ferskar döðlur

• 1 msk möndlusmjör

• 1 lúka lífrænt spínat

• 2-2,5 bolli ósæt isola möndlumjólk

Aðferð:

1. Daginn áður, skolið vínberin og losið af stönglunum og frystið.

2. Til að útbúa smoothie-inn er svo öllu blandað saman í blender, magn möndlumjólkur fer soldið eftir því hversu þykkan/þunnan þú kýst að hafa hann.
   Drekkist strax!

3. Mæli með að frysta meira en þú þarft af vínberjum því þau eru algjört lostæti til að narta í svona frosin.

Verði ykkur að góðu. Hlakka til að sjá þig prófa!