Karrý pasta með Madras tófú
Pastasalat með karrýsósu og spicy tófúbitum
Ég er mikill aðdáandi af mat sem hægt er að útbúa með fyrirvara og borða bæði heitt og kalt og ef ég er að fara í ferðalag með nesti þá er pastasalat einhvernegin alltaf það fyrsta sem poppar uppí hausinn á mér.
Þú þarft:
Pastasalatið:
500 gr Dececco pasta slaufur
2 lúkur stökkt íssalat
1 rauð papríka
3 stilkar vorlaukur eða 1/2 rauðlaukur
Karrýsósa:
270 ml vegan mæjónes (1 askja vegan krónu mæjónes)
1 msk karrý
1/2 lime (safinn)
1/8 jurtasalt
Tófúið:
450 gr tófú
2 msk madaras spice paste frá Pataks
1/2 msk sojasósa
2 msk oatly hafrarjómi
1 msk olía
Aðferð:
Takið tófúið úr pakkningunni og vefjið inní viskustykki eða eldhúspappír og leggið eitthvað þungt ofan á og leyfið að pressast í 15 mínútur eða lengur. Ef þið eigið tófúpressu er gott að nota hana en það þarf alls ekki.
Blandið saman madras spice paste, sojasósu, hafrarjóma og olíu í skál. Þegar tófúið hefur verið pressað er það skorið í litla 1 cm teninga og velt uppúr marineringunni og leyft að liggja í henni í 15 mínútur.
Dreifið tófúinu á ofnplötu og bakið í ofni á 200°C blæstri í 15 mínútur.
Sjóðið pastað skv. leiðbeiningum á pakkningu. Skerið papríku og vorlauk og rífið niður íssalatið. Útbúið karrýsósuna með því að blanda saman vegan mæjónesi, karrý, jurtasalti og safa úr lime.
Að lokum er öllu blandað saman í stórri skál.
Pastað má borða heitt eða kallt svo þetta er tilvalið sem hádegismatur daginn eftir eða nesti í vinnuna.
Verði ykkur að góðu.
