Rautt dahl

Indverskt rautt dahl borið fram með hrísgrjónum og nan brauði. Þessi réttur er ekki bara bráðhollur heldur hlægilega ódýr.

Þú þarft (fyrir 4):

Dahl:

• 2 msk olía til steikingar

• 3 scharlottlaukur eða 1 gulur

• 1 geiralaus hvítlaukur

• 1 msk rifinn engifer

• 1,5 tsk broddkúmen (cumin)

• 2 tsk garamasala

• 1,5 tsk túrmerik

• 1 dl saxaður ferskur kóreander

• 1 msk tómatpúrra

• 1 teningur grænmetiskraftur

• 2,5 dl rauðar linsur

• 600 ml vatn

• 2 dósir tómatar

• 1 dós kókosmjólk

• ca 1/2 tsk salt

Meðlæti

• 250-300 gr Basmati hrísgrjón

• kóreander

• lime

Aðferð:

1. Byrjið á að steikja smátt saxaðan lauk, hvítlauk og engifer uppúr olíu þar til orðið mjúkt.

2.  Bætið útí kryddum (nema salti) kóreander, tómatpúrrunni, grænmetiskraft og síðast linsum og leyfið kryddunum að hitna í 1-2 mínútur. Bætið við olíu ef kryddin byrja að festast við botninn og hrærið stöðugt.

3.  Bætið síðan við vatni í pottinn. Maukið tómatana með töfrasprota eða í litlum blender og bætið þeim maukuðum útí pottinn og síðast kókosmjólkinni og leyfið að malla þar til linsurnar eru orðnan mjúkar, ca 10-15 mínútur. Smakkið til og bætið saltinu útí.

4.  Sjóðið basmati grjónin samkvæmt leiðbeiningum á pakkningu.

5. Berið dahlið fram ásamt hrísgrjónunum og toppið með kóreander og limesafa.

Rétturinn er frábær með vegan nan brauði, uppskrift hér og vegan raitu, uppskrift hér.

Verði ykkur að góðu.

Þegar hráefni í rétt er eins einfalt og í þessum er tilvalið að velja þá gæða hráefni en hér hef ég valið að nota vörur frá Rapunzel sem eru allar lífrænt vottaðar.