Rjómapasta með pestó

Pestópasta er eitthvað sem var mikið á mínu heimili þegar ég var lítil. Svo þægilegt að skella bara grænu pestói útá pasta og málið dautt. Hér er pestó pastað gert enn meira djúsí með því að útbúa rjómalagaða pestósósu með hvítlauk. Lífrænu grænu ólífurnar setja svo punktinn yfir i-ið en þær gera að mínu mati bara allt betra.

Færslan er unnin í samstarfi við Rapunzel á íslandi en Rapunzel eru 100% lífrænt vottaðar vörur.

Þú þarft (fyrir ca 3):

• Olía

• 1/2 geiralaus hvítlaukur

• 1 tsk grænmetiskraftur frá Rapunzel

• 1/2 askja oatly hafrasmurostur (þessi blái)

• 3-4 dl oatly hafrarjómi

• 1/2 krukka grænt pestó frá Rapunzel (eða meira fyrir meira pestóbragð)

• 500g kg spaghetti frá De Cecco

• Grænar ólívur frá Rapunzel

• Klettasalat

• Salt

Aðferð:

1. Sjóðið pasta eftir leiðbeiningum, mæli með að setja smá olíu og salt í pottinn.

2. Steikið smátt skorinn hvítlauk í smá olíu á pönnu í örskamma stund, rétt aðeins til að mýkja hann. Blandið hafrasmurosti, hafrarjóma, grænmetiskrafti og pestó útá pönnuna og leyfið að malla. 

3. Hellið vökvanum af spaghettíinu þegar það er tilbúið og blandið saman við sósuna. 

4. Berið fram með grænum ólívum og klettasalati og saltið eftir smekk.

Graskersolía passar einstaklega vel með réttinum. Verði ykkur að góðu.